Huzur ka Khutba e Tabuk

بسم اللہ الرحمٰن الرحیم

رسول اللہ صلی اللہ علیہ وسلم کا خطبۂ   تبوک

حمد و ثناء کے بعد ۔۔۔

سب سے زیادہ سچی بات ، کتاب اللہ ہے ۔ سب سے بڑا سہارا ، تقویٰ ہے ۔ سب سے اچھی ملت ، ملت ابراہیمی  ہے ۔ سب سے اچھی سنت ، سنت محمدی صلی اللہ علیہ وسلم  ہے ۔ سب سے اچھی بات ، ذکر الٰہی ہے ۔ سب سے عمدہ داستان ، قرآن ہے ۔ سب سے اچھے کام ، عزیمت کے کام ہیں  ۔ سب سے برے کام ، بدعت کے کام ہیں ۔ سب سے بہتر راستہ ، انبیاءعلیہم السلام  کا راستہ ہے ۔ سب سے زیادہ معزز موت ، شہادت کی موت ہے ۔ بد ترین اندھا پن ،  ہدایت کے بعد گمراہی ہے ۔ سب سے اچھا کام وہ ہے ، جو نفع پہنچائے۔ سب سے اچھی راہ وہ ہے ، جس کی پیروی کی جائے ۔ بد ترین تاریکی ، دل کی تاریکی ہے ۔ اوپر  {دینے}  والا ہاتھ ، نیچے {لینے}  والے ہاتھ سے بہتر ہے ۔ جو چیز کم مگر ضرورت بھر کی ہو  ، اس سے کہیں بہتر ہے جو زیادہ ہو مگر غفلت میں ڈالے۔ بد ترین توبہ ، موت کے وقت کی توبہ ہے ۔ بد ترین ندامت ، قیامت کے دن کی ندامت ہے ۔ بہت لوگ ہیں ، جو پشت پھیر کر جمعہ کا استقبال کرتے ہیں ۔ بہت لوگ ہیں ، جو خدا کو کبھی دل سے یاد نہیں کرتے ۔ سب سے بڑی خطا ، جھوٹی زبا ن ہے ۔ سب سے بڑی دولت ، دل کی دولت ہے ۔ سب سے بہتر توشہ ، تقویٰ ہے ۔ سب سے بڑی دانائی  ، مخافت الٰہی { خوف خدا } ہے ۔ دل میں راسخ ہونے والی سب سے اچھی چیز یقین ہے ، شک کفر کی ایک شاخ ہے ۔ میت پر نوحہ ، جاہلیت کی خصلت ہے ۔ مسلمانوں کے مال میں خیانت ، جہنم کی گرمی ہے ۔ شراب ، گناہ کا سر چشمہ ہے ۔ بد ترین ذریعہَ معاش ، یتیم کا مال کھانا ہے ۔ خوش نصیب وہ ہے ، جو دوسروں سے نصیحت حاصل کرے ۔ عمل کا مدار ، اس کے خاتمے پر ہے ۔ بد ترین خواب ، جھوٹا خواب ہے ۔ مسلمان کو گالی دینا فسق ہے ۔ مسلمان کا قتل کفر ہے ۔ غیبت کر کے مسلمان کا گوشت کھانا ، معصیت ہے ۔ مسلمان کے مال کی حرمت ، اس کی جان کی حرمت کے برابر ہے ۔ جو معاف کرتا ہے ، خدا اسے معاف کرے گا ۔ جو غصہ پی جاتا ہے ، خدا سے اجر پائے گا  ۔ جو نافرمانی کرتا ہے ، خدا اسے عذاب میں ڈالے گا ۔

اس کے بعد تین مرتبہ استغفراللہ کہا اور خطبہ ختم کر دیا ۔

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s